800 பயணிகள் கொள்ளும் பறக்கும்-இறக்கை விமான வடிவமைப்பை வெளியிட்ட சீன ஆய்வாளர்கள்

ஏர்பஸ் A380 விமானம் மிகப்பெரிய வணிக விமானங்களின் தற்போதைய தலைமுறையை அறிமுகப்படுத்திய இரு தசாப்தங்களுக்குப் பிறகு, சீனாவின் ஏரோடைனமிக்ஸ் ஆராய்ச்சி மற்றும் மேம்பாட்டு மையத்தின் (CARDC) பொறியாளர்கள். பெரிய பறக்கும்-இறக்கை பயணிகள் விமான வடிவமைப்பு குறித்த ஓர் ஆய்வுக் கட்டுரையை ஜர்னல் ஆஃப் ஏரோஸ்பேஸ் பவர் இதழில் வெளியிட்டுள்ளனர்.

தனித்தனி உடல் பகுதி, இறக்கைகள், வால் பகுதி கொண்ட வழக்கமான விமான அமைப்புக்குப் பதிலாக, இந்த வடிவமைப்பு உடலையும் இறக்கைகளையும் ஒரே 'பறக்கும்-இறக்கை' அமைப்பாக இணைக்கிறது. இது பி-2 ஸ்பிரிட் (B-2 Spirit) மறைநிலை குண்டுவீச்சு விமானத்தின் வடிவத்தை ஒத்தது. சீன ஊடகங்கள் மேற்கோள் காட்டும் இவ்வாய்வின்படி, இந்த விமானம் சுமார் 85 மீட்டர் (280 அடி) இறக்கை அகலமும், 43 மீட்டர் (141 அடி) நீளமும் கொண்டிருக்கும் — இது பி-2 ஸ்பிரிட்டை விட சுமார் 1.6 மடங்கு அதிக இறக்கை அகலம்.

ஏரோடைனமிக்ஸ் விஞ்ஞானி லீ யோங்ஹாங் மற்றும் அவரது குழு, 'உயர்-அஸ்பெக்ட்-விகித பறக்கும்-இறக்கை' அமைப்பு உயர் லிஃப்ட்-டு-டிராக் விகிதத்தையும். குறைந்த தூண்டப்பட்ட இழுவையையும் தருவதாகவும், இது நீண்ட பறக்கும் தூரத்தையும் குறைந்த ஆற்றல் நுகர்வையும் அளிக்கக்கூடும் எனவும் கட்டுரையில் குறிப்பிட்டுள்ளனர்.

இந்த வடிவமைப்பு சுமார் 800 பயணிகளைச் சுமக்க திட்டமிடப்பட்டுள்ளது, இது A380-ஐ விட அதிகம். இது சீனாவின் அருகிய கால விமான திட்டங்களிலிருந்து தனியானது: நாடு தனது C929 எனும் 280 இருக்கை நீண்ட தூர அகலமான-உடல் விமானத்தை 2030-க்குள் அறிமுகப்படுத்த திட்டமிட்டுள்ளது. இதனுடன் வளர்ச்சியில் உள்ள பல வேறு விமானங்களும் உள்ளன.

இந்த பறக்கும்-இறக்கை வடிவமைப்பிற்கு இதுவரை அதிகாரப்பூர்வ பெயர் இடப்படவில்லை; அதைக் கட்டமைப்பது அல்லது பறக்க வைப்பது குறித்து இதுவரை எந்த காலவரிசையும் நிர்ணயிக்கப்படவில்லை.