சீனாவின் புதிய மலை மின்தூக்கி பள்ளி பயணத்தை மாற்றுகிறது

சீனாவின் யுன்னான் மாகாணத்தின் தொலைதூர கிராமம் ஒன்றில் புதிய மலை மின்தூக்கி திறக்கப்பட்டுள்ளது. இதனால் பள்ளிக் குழந்தைகளின் பயண நேரம் வெகுவாகக் குறைந்துள்ளது. 288 மீட்டர் (945 அடி) உயரம் கொண்ட "புயாவ் லாடர்" மின்தூக்கி, 2022 இல் கட்டப்பட்ட "சிங்க்யூன் லாடர்" உடன் இணைந்து, போய்வர ஆறு மணி நேரம் ஆகும் பயணத்தை சுமார் 30 நிமிடமாகக் குறைத்துள்ளது.

இதற்கு முன், நிஜுஹே கிராமத்துக் குழந்தைகள் மலை உச்சியில் உள்ள குவான்சாய் தொடக்கப் பள்ளிக்குச் செல்ல ஆபத்தான மலைச்சரிவுப் பாதைகளில் நடக்க வேண்டியிருந்தது. கிராமம் 1,100 மீட்டர் (3,610 அடி) உயரத்தில் உள்ளது; பள்ளியோ 1,650 மீட்டர் (5,413 அடி) உயரத்தில் உள்ளது. "வான்பாதை பள்ளி பேருந்து" என அழைக்கப்படும் புதிய மின்தூக்கி அமைப்பு, மாணவர்களை மலை உச்சிக்கு அருகிலுள்ள தளத்திற்கு நிமிடங்களில் கொண்டு செல்ல உதவுகிறது.

"புயாவ் லாடர்" முழுக்க ஒளி ஊடுருவும் 360° கண்ணாடிச் சுவரால் ஆனது. மேலே ஏறும்போது சுற்றியுள்ள அழகிய காட்சிகளைக் கண்டு ரசிக்கலாம். இது வினாடிக்கு 5 மீட்டர் வேகத்தில் இயங்குகிறது மற்றும் "சிங்க்யூன் லாடர்" உடன் இணைந்து, ஒரு மணி நேரத்தில் 1,200 பேரை கொண்டு செல்ல முடியும். இது பகுதியின் பார்வையாளர் திறனை தினசரி 4,000 பேரிலிருந்து 15,000 பேராக அதிகரித்துள்ளது.

மின்தூக்கியின் உச்சித் தளத்தை அடைந்ததும், மாணவர்கள் அங்கிருந்து கேபிள் காரில் ஐந்து நிமிடம் பயணித்து பள்ளியை அடைகின்றனர். இந்த உள்கட்டமைப்பு மாணவர்கள் நேரத்திற்கு பள்ளி செல்ல உதவுவதுடன், ஆபத்தான ஏறுதல்களை தவிர்த்து அவர்களின் பாதுகாப்பையும் மேம்படுத்துகிறது.

இந்த மின்தூக்கிகள் சீனாவின் பொறியியல் திறமையையும், தொலைதூர பகுதிகளில் கல்வி அணுகலை மேம்படுத்தும் உறுதிப்பாட்டையும் வெளிப்படுத்துகின்றன. சிறு எண்ணிக்கையிலான மாணவர்களின் வசதிக்காகவே இந்தத் திட்டம் உருவாக்கப்பட்டது. கல்வி எல்லோரையும் சென்றடைய வேண்டும் என்ற குறிப்பிடத்தக்க அர்ப்பணிப்பை இது காட்டுகிறது.