பாதுகாப்பு பயன்பாட்டுக்காக மூன்று சொந்த நுண் எரிவாயு டர்பைன் இன்ஜின்களை வெளியிட்ட CSIR

அறிவியல் மற்றும் தொழில்துறை ஆராய்ச்சி கவுன்சில் - தேசிய வான்வெளித் தொழில்நுட்ப ஆய்வகம் (CSIR-NAL) ஆகஸ்ட் 25 அன்று புது தில்லியில் மூன்று சொந்த எரிவாயு டர்பைன் இன்ஜின்களை வெளியிட்டது. இவை சொந்த தொழில்நுட்பத்தில் உருவாக்கப்பட்ட சிறு, நுண் இன்ஜின்கள். NJ-05 (5 கிலோ உந்துவிசை), NJ-50 (50 கிலோ உந்துவிசை), NJ-100 (100 கிலோ உந்துவிசை) என்பவை அவை.

இந்தியாவின் அறிவியல் மற்றும் தொழில்நுட்ப அமைச்சகத்தின்படி, சொந்த தேசத்தின் பாதுகாப்புத் தொழில்நுட்பத் தேவைகளைப் பூர்த்தி செய்ய இந்த இன்ஜின்கள் வடிவமைக்கப்பட்டுள்ளன. தந்திரோபாய ஆளில்லா வான் வாகனங்கள், ட்ரோன் தடுப்பான்கள், சிறிய ஏவுகணை அமைப்புகள் ஆகியவற்றில் இவை பயன்படுத்தப்படும்.

இதுபோன்ற சிறப்பு உந்துவிசை அமைப்புகளை சொந்தமாக உருவாக்குவது, வான்வெளிப் பொறியியலில் "ஆத்மநிர்பர் பாரத்" (தன்னிறைவு பெற்ற இந்தியா) இலக்கை நோக்கிய முக்கியமான மைல்கல் எனத் தெரிவித்தார். CSIR தலைமை இயக்குநரும், அறிவியல் மற்றும் தொழில்துறை ஆராய்ச்சித் துறை செயலருமான டாக்டர் என். கலைச்செல்வி இதைக் கூறினார்.

இந்தியாவின் வளர்ந்து வரும் ட்ரோன் சூழல்முறைமைக்கு ஆய்வகம் பல-கட்ட ஒருங்கிணைப்பாளராகச் செயல்படுவதாக CSIR-NAL இயக்குநர் டாக்டர் அபய் ஏ. பஷில்கர் தெரிவித்தார். வளர்ந்து வரும் வான்வெளி தொடக்க நிறுவனத் துறை உட்பட இந்திய தொழில்துறை, நாட்டின் பாதுகாப்புத் தேவைகளுக்காக இந்த இன்ஜின்களை பெரிய அளவில் தயாரிக்கும் திறன் கொண்டுள்ளது என்றும் அவர் கூறினார்.