உள்நாட்டு வான்வழி கொள்கலன் சோதனையை முடித்த DRDO, இந்திய கடற்படை

பாதுகாப்பு ஆராய்ச்சி மற்றும் மேம்பாட்டு நிறுவனம் (DRDO), இந்திய கடற்படையுடன் இணைந்து ஒரு பறப்புச் சோதனைத் தொடரை நடத்தியது. கோவா கடற்கரையில் P8I விமானத்திலிருந்து உள்நாட்டு வான்வழி கொள்கலனான ADC-150-ஐ கீழே இறக்கும் நான்கு சோதனைகள் வெற்றிகரமாக முடிந்தன. வெவ்வேறு தீவிர வெளியீட்டு நிலைமைகளின் கீழ், பிப்ரவரி 21 முதல் மார்ச் 1, 2026 வரை இந்த சோதனைகள் நடத்தப்பட்டன.

150 கிலோகிராம் சரக்கை கொண்டு செல்லும் வகையில் ADC-150 வடிவமைக்கப்பட்டுள்ளது. கடலில் தொலைவில் நிற்கும் ஆபத்தில் உள்ள கடற்படைக் கப்பல்களுக்கு, முக்கிய பொருட்கள், கருவிகள், மருத்துவ உதவியை விரைவாக அனுப்பும் திறனை இந்திய கடற்படைக்கு இது வழங்கும்.

இந்திய கடற்படையின் தேவைகளுக்கேற்ப, குறுகிய காலத்தில் P8I விமானத்திற்கான ADC-150 அமைப்பு உருவாக்கப்பட்டு தகுதி பெற்றது என பாதுகாப்பு அமைச்சகம் தெரிவித்தது. அனைத்து மேம்பாட்டு பறப்புச் சோதனைகளும் வெற்றிகரமாக முடிந்துவிட்ட நிலையில், இந்த அமைப்பு விரைவில் இந்திய கடற்படையில் இணைக்கப்படும் என அறிவிக்கப்பட்டுள்ளது.