இத்தாலியில் நடந்த பூமி அறிவியல் ஒலிம்பியாட்டில் 9 பதக்கம் வென்ற இந்தியா

இத்தாலியின் டொரினோ நகரில் 2026, ஆகஸ்ட் 20 முதல் 27 வரை நடைபெற்ற 19வது சர்வதேச பூமி அறிவியல் ஒலிம்பியாட் (IESO) போட்டியில் இந்திய மாணவர்கள் மொத்தம் 9 பதக்கங்களை வென்றனர். பரோடா மகாராஜா சயாஜிராவ் பல்கலைக்கழகத்தின் புவியியல் துறையில் பயிற்சி பெற்றவர்கள் சௌமிக் மண்டல், ஆரோன் மைதி, ரித்தி ரஞ்சன், முகமது ஏத்தேஷம் ரிஸ்வி ஆகியோர். இந்த நான்கு மாணவர்கள் இந்தியாவைப் பிரதிநிதித்துவப்படுத்தினர்.

இந்த ஒலிம்பியாட்டின் 19 ஆண்டு வரலாற்றில் மூன்றாவது அதிகபட்ச தனிநபர் தரவரிசையை சௌமிக் மண்டல் பெற்றார். இது இந்தியக் குழுவின் சிறப்பான சாதனையாக அமைந்தது.

18 வயதுக்குட்பட்ட பள்ளி மாணவர்களுக்கான வருடாந்திரப் போட்டி IESO ஆகும். புவியியல், புவி இயற்பியல், வானிலை ஆய்வு, கடலியல், புவி வானியல், சுற்றுச்சூழல் அறிவியல் ஆகியவற்றில் கோட்பாடு மற்றும் செய்முறைத் தேர்வுகள் மூலம் இது பங்கேற்பாளர்களை மதிப்பிடுகிறது.

2007ஆம் ஆண்டு தென் கொரியாவின் டேகுவில் நடந்த முதல் IESO போட்டியில் இந்தியா இரண்டு வெள்ளிப் பதக்கங்களுடன் நான்காவது இடத்தைப் பிடித்தது. பின்னர் 2013இல் மைசூரில் ஏழாவது ஒலிம்பியாட்டை இந்தியா நடத்தியது. இந்த ஆண்டு பங்கேற்பாளர்கள், தேசிய அளவிலான எழுத்துத் தேர்வு மற்றும் சென்னை அண்ணா பல்கலைக்கழகம், MSU பரோடா ஆகியவற்றில் தீவிர பயிற்சிக்குப் பிறகு தேர்ந்தெடுக்கப்பட்டனர்.