G20 காலநிலை செயற்கைக்கோள் 2027-இல் ஏவப்படும்: இஸ்ரோ தலைவர்

காலநிலை, காற்று மாசு ஆகியவற்றை ஆய்வு செய்யவும், வானிலையை கண்காணிக்கவும் வடிவமைக்கப்பட்ட G20 செயற்கைக்கோள், 2027-இல் ஏவப்படும் என இஸ்ரோ தலைவர் வி. நாராயணன் தெரிவித்தார். G20 நாடுகள் சார்பாக இந்த செயற்கைக்கோளை ஏவும் பணியில் இந்தியா முன்னணி பங்கு வகிக்கிறது என்றார்.

ஹைதராபாத்தில் உள்ள இந்திய பொறியியல் பணியாளர் கல்லூரியில், DRDO, இஸ்ரோ, இந்திய வானூர்தியியல் சங்கத்தைச் சேர்ந்த விஞ்ஞானிகளிடம் நாராயணன் உரையாற்றினார். ஒரே ராக்கெட்டில் 100-க்கும் மேற்பட்ட செயற்கைக்கோள்களை மோதலின்றி வெற்றிகரமாக சுற்றுப்பாதையில் வைத்த முதல் நாடு இந்தியா என்று அவர் தெரிவித்தார்.

ஆழ்கடல் திட்டமான 'சமுத்ராயான்' திட்டத்திற்காக, 2.2 மீட்டர் விட்டம், 100 மில்லிமீட்டர் தடிமன் கொண்ட டைட்டானியம் பாத்திரத்தை இஸ்ரோ தயாரித்து வருவதாகவும் நாராயணன் தெரிவித்தார்.