நேபாளம்-சீனா எல்லையில் புதிய ஏரி: மீண்டும் வெள்ள அபாய எச்சரிக்கை

நேபாளம்-சீனா எல்லையில் ஏற்பட்ட கடுமையான திடீர் வெள்ளத்தால் சேதமடைந்த பகுதிகளில் மீட்புப் பணியாளர்கள் வெள்ளிக்கிழமையும் சேறு மற்றும் இடிபாடுகளை அகற்றும் பணியில் ஈடுபட்டிருந்த நிலையில். புதிதாக உருவாகி நிரம்பி வழியும் ஒரு ஏரி மேலும் வெள்ளத்தை ஏற்படுத்தக்கூடும் என அதிகாரிகள் எச்சரித்துள்ளனர். மீட்பு மற்றும் நிவாரணப் பணிகளில் ஈடுபட்டுள்ள அனைத்து பாதுகாப்புப் படையினர், மீட்புப் பணியாளர்கள் மற்றும் பொதுமக்களும் உயர் விழிப்புணர்வுடன் இருக்குமாறும். தேவைப்பட்டால் உடனடியாக பாதுகாப்பான இடத்திற்குச் செல்லுமாறும் நேபாள அதிகாரிகள் அறிவுறுத்தியுள்ளனர். “இது நிற்கவில்லை” என நேபாள காவல்துறை செய்தித் தொடர்பாளர் அபி நாராயண் கஃப்லே, அசோசியேட்டட் பிரஸ் (AP) நிறுவனத்திடம் தெரிவித்தார். மீட்புப் பணி தொடர்கிறது எனவும், அதிகாரிகள் உயர் விழிப்புணர்வுடன் உள்ளனர் எனவும் அவர் கூறினார்.

சீனாவின் அரசுத் தொலைக்காட்சி நிறுவனமான சீனா மத்திய தொலைக்காட்சி (CCTV) வெளியிட்ட செயற்கைக்கோள் படங்கள், புதன்கிழமை ஏற்பட்ட பனிப்பாறை பிரிதல் நிகழ்வு. அதாவது பனிப்பாறையின் ஒரு பெரும் பகுதி திடீரென பிரிந்து சரியும் நிகழ்வு. நடந்த அதே பகுதியில்தான் இந்தப் புதிய ஏரியும் உருவானது எனக் காட்டுவதாகத் தெரிகிறது. அந்த நிகழ்வுதான் கீழ்ப்பகுதியில் வெள்ளத்தை ஏற்படுத்தியது. ஆற்றின் மேற்பகுதி அடைபட்டு, வளர்ந்து வரும் ஒரு ஏரி உருவாகியுள்ளதாகவும். இது உடைந்தால் திடீர் வெள்ளத்தை ஏற்படுத்தக்கூடும் எனவும் செயற்கைக்கோள் படங்கள் மற்றும் ஆரம்பகட்ட மதிப்பீடுகள் தெரிவிப்பதாக நேபாளத்தின் பேரிடர் மேலாண்மை ஆணையம் தெரிவித்தது. இந்த ஏரியின் தடுப்புச் சுவர், சேறும் வெள்ள நீரும் மூடிய எல்லைச் சோதனைச் சாவடியான கிரோங் துறைமுகத்திலிருந்து 10 கிலோமீட்டருக்கும் (6 மைல்) மேல் தொலைவில் உள்ளதாக சிசிடிவி வெள்ளிக்கிழமை காலை தெரிவித்தது. இந்த ஏரி 2,950 மீட்டர் (9,680 அடி) உயரத்தில் உள்ளதாகவும், அது கிரோங் துறைமுகத்தை விட சுமார் 1,000 மீட்டர் (3,280 அடி) அதிக உயரத்தில் அமைந்துள்ளதாகவும் அந்த தொலைக்காட்சி நிறுவனம் தெரிவித்தது.

இமயமலைப் பகுதியில் நிலவரத்தை கண்காணிக்கும் காலநிலை விஞ்ஞானிகள், புதன்கிழமை ஏற்பட்ட பனிப்பாறை சரிவால் பல சிறிய நீர்நிலைகள் உருவாகியிருப்பதாகவும், இடிபாடுகள் இன்னும் அப்பகுதி முழுவதும் சிதறிக் கிடப்பதாகவும் தெரிவித்தனர். “ஆகஸ்ட் 26ஆம் தேதி ஏற்பட்ட பனி-பாறை பனிச்சரிவால் மற்றொரு தடுப்பு ஏரி உருவானது. இது இப்போது வெளியேறத் தொடங்கியுள்ளது” என காத்மாண்டு தலைமையிடமாகக் கொண்ட ஒருங்கிணைந்த மலைவாழ் மேம்பாட்டு சர்வதேச மையத்தின் காலநிலை மற்றும் சுற்றுச்சூழல் அபாயத் துறைத் தலைவர் கியாங்காங் ஷாங் தெரிவித்தார். இந்த ஏரியில் சுமார் சில மில்லியன் கன மீட்டர் தண்ணீர் உள்ளது. இது சுமார் 1,200 ஒலிம்பிக் அளவிலான நீச்சல் குளங்களுக்கு சமமானது. எனவும், இது கீழ்ப்பகுதிக்கு குறைந்த உயர வேறுபாடு கொண்ட பள்ளத்தாக்குப் பகுதியில் அமைந்துள்ளதாகவும் அவர் தெரிவித்தார்.

நூற்றுக்கணக்கானோர் உயிரிழந்துள்ள நிலையிலும், 1,500க்கும் மேற்பட்டோர் இன்னும் காணாமல் போயுள்ள நிலையிலும், மற்றொரு பேரிடர் ஏற்படக்கூடும் என்ற அச்சம் அதிகரித்துள்ளது. “அதிக வெப்பநிலை காரணமாக பனிப்பாறை உருகுதல் இன்னும் தொடர்ந்து நடந்துகொண்டிருக்கிறது. ஆற்றின் பாதையில் இடிபாடுகளும் பாறைகளும் அதிகமாக இருப்பதால், பல்வேறு இடங்களில் தண்ணீர் தேங்கிக் குவிகிறது” என ஆஸ்திரியாவின் கிராஸ் பல்கலைக்கழகத்தைச் சேர்ந்த. பங்களாதேஷின் டாக்காவை தளமாகக் கொண்ட புவி விஞ்ஞானி ஜேக்கப் ஸ்டெய்னர் தெரிவித்தார்.

காணாமல் போனோரைத் தேட பல மீட்புப் பணியாளர்கள் பெரும் ஆபத்தை எதிர்கொள்வதால், இந்த எச்சரிக்கைகளை தீவிரமாக எடுத்துக்கொள்ள வேண்டும் என ஷாங் மற்றும் ஸ்டெய்னர் இருவரும் தெரிவித்தனர். ஆனாலும், புதன்கிழமை ஏற்பட்டதைப் போன்ற பேரழிவு தரும் திடீர் வெள்ளம் மீண்டும் ஏற்படுவது சாத்தியமில்லை என்றும் அவர்கள் கூறினர்.