செர்பியாவில் பேரரசர் பயன்படுத்திய தனித்துவ ரோமானிய குளியலறை கண்டுபிடிப்பு

கிழக்கு செர்பியாவில் அகழாய்வு நடத்திய தொல்பொருள் ஆய்வாளர்கள், ஒரு பேரரசருக்குச் சொந்தமான ஆடம்பரமான, தனித்துவமான அமைப்பில் கட்டப்பட்ட ரோமானிய குளியலறையின் எச்சங்களைக் கண்டறிந்துள்ளனர். இந்த அறைகளின் தொகுப்பில் வெப்பமூட்டப்பட்ட தரைகள், மூன்று குளியல் குளங்கள் மற்றும் ஒரு சானா அடங்கும்.

லத்தீன் மொழியில் "பால்னியம் (balneum)" என அழைக்கப்படும் இந்தக் குளியலறை, ஒரு பேரரசு அரண்மனைக்குள் இருந்த கோபுரத்தின் அடிப்பகுதியில் கண்டெடுக்கப்பட்டது. இது ரோமானியப் பேரரசில் இதுவரை காணப்படாத ஒரு புதிய வடிவமைப்பு என தொல்பொருள் ஆய்வாளர்கள் தெரிவிக்கின்றனர்.

இந்தக் கண்டுபிடிப்பு வ்ரெலோ-சார்கமென் (Vrelo-Šarkamen) எனும் தளத்தில் நடந்தது. இது நான்காம் நூற்றாண்டின் தொடக்கத்தில் கட்டப்பட்ட ஒரு பிரம்மாண்டமான, கோட்டை அமைப்பிலான குடியிருப்புத் தொகுப்பாகும். இதில் மேக்சிமினுஸ் டேசா (டாயா என்றும் அழைக்கப்படுவார்) வசித்து வந்தார்; இவர் 310 முதல் 313 வரை ரோமானியப் பேரரசராக இருந்தார்.

வ்ரெலோ-சார்கமெனில் தொல்பொருள் ஆய்வாளர்கள் பல தசாப்தங்களாக அவ்வப்போது அகழாய்வு மேற்கொண்டு வருகின்றனர். செர்பியாவின் சுயாதீன ஆய்வு நிறுவனமான தொல்லியல் நிறுவனம் சார்பிலான ஆய்வுக் குழுவினரே இந்தச் சமீபத்திய கண்டுபிடிப்பை மேற்கொண்டனர் என செப்டம்பர் 3 அறிக்கை ஒன்று தெரிவிக்கிறது.